Рама до демонстрантите во Албанија: Ја преминавте црвената линија

Šta se dogodilo?

Премиерот Еди Рама денес објави на социјалните мрежи. „Протестите се право, а насилството е кривично дело. Таа црвена линија ќе биде цврсто повлечена во оваа клучна фаза од нашиот демократски развој“, порача Рама. Тој наведе дека „бунтовниците ќе ги сносат правните и финансиските последици од своето слепило“ и ги повика другите демонстранти да се дистанцираат […]

Повеќемесечните антивладини протести во Албанија ескалираа во насилни судири, предизвикувајќи реакции од албанскиот премиер Еди Рама и Европската комисија. Додека Рама обвини дел од демонстрантите дека ја преминале „црвената линија“, Брисел повикува на смирување на тензиите и дијалог. Протестите денес продолжија низ целата земја, пишува Јуроњуз.

Премиерот Еди Рама денес објави на социјалните мрежи. „Протестите се право, а насилството е кривично дело. Таа црвена линија ќе биде цврсто повлечена во оваа клучна фаза од нашиот демократски развој“, порача Рама. Тој наведе дека „бунтовниците ќе ги сносат правните и финансиските последици од своето слепило“ и ги повика другите демонстранти да се дистанцираат од оние што предизвикуваат немири.

„Јас и владејачкото мнозинство сме подготвени за дијалог со сите, освен бунтовниците и политичките партии кои не се воздржуваат од насилство“, додаде тој. Рама се обиде и одговорноста за немирите да ги припише на странско влијание.

За време на протестите во изминатите неколку дена имаше жестоки судири со полицијата. Демонстрантите палеа згради, фрлаа молотови коктели и пиротехнички средства кон полицијата, која одговори со гумени куршуми, водни топови и солзавец.

Според извештаите, стотици луѓе се повредени, вклучувајќи и полицајци. Антивладините протести наречени „Фламинго“ траат со месеци со барање за оставка од Рама, а судирите се интензивираа минатата недела кога студентското движење почна нови протести поради таксите за средно образование.

• Država: Sjeverna Makedonija
• Rubrika: Crna hronika
• Izvor informacije: MKD Црна хроника
• Vrijeme objave: 20.10.2026. 12:09